Բացահայտիր Սյունիքը-Գեղանուշ գյուղի լեռնային հմայքն ու անկոտրում ոգին
Սյունիքի մարզի լեռնային գրկում փռված Գեղանուշ գյուղը յուրահատուկ կոլորիտով ու հարուստ պատմությամբ աչքի ընկնող բնակավայրերից է։
1949 թվականին վերանվանվել է Գեղանուշ՝ լիովին արտացոլելով իր շրջակա բնության գեղեցկությունը։ Գյուղը մշտապես բնակեցված է եղել հայերով, իսկ տեղացիներն այսօր էլ հիմնականում զբաղվում են անասնապահությամբ, այգեգործությամբ և դաշտավարությամբ:
Գյուղն աչքի է ընկնում իր պատմամշակութային ժառանգությամբ, որի վառ ապացույցն է պատմական Սուրբ Հռիփսիմե եկեղեցին։ Այն տեղակայված է Մեղրու լեռների ճյուղավորումներից մեկի լանջին՝ ապահովելով հիանալի տեսարաններ և լեռնային մաքուր օդ։ Գտնվելով հայ-ադրբեջանական շփման գծի հարևանությամբ՝ Գեղանուշն աչքի է ընկնում նաև իր ռազմավարական նշանակությամբ ու անկոտրում ոգով։
Գեղանուշցիներին բնորոշ է սյունեցուն հատուկ տոկունությունը, աշխատասիրությունը և հյուրասիրությունը։ Սահմանամերձ գոտում ապրելն ու լեռնային պայմաններում տնտեսություն վարելը ձևավորել են կամային, համախմբված և իրենց հողին ու ջրին կառչած բնավորություն։ Նրանք աչքի են ընկնում ջերմ հյուրընկալությամբ, անկեղծությամբ և պատրաստակամությամբ՝ ցանկացած այցելուի ընդունելու որպես հարազատի։
Տեղակայումը. Սյունիքի մարզ, Մեղրու լեռների ճյուղավորումներից մեկի լանջին, Կապան քաղաքից մոտ 2 կմ դեպի հարավ
Կոորդինատներ՝ 39°10′08″N 46°25′01″E