ՆԳ նախարար Արփինե Սարգսյանը Սյունիքի սահմանային պահակակետերում հետևել է Ոստիկանության գվարդիայի ծառայողների շուրջօրյա հերթապահությանը

Հուլիսի 24-ին ՆԳ նախարար Արփինե Սարգսյանը Ոստիկանության գվարդիայի հրամանատար-ոստիկանության պետի տեղակալ Հայկ Բաբայանի ուղեկցությամբ այցելել է Սյունիքի մարզի սահմանային պահակակետեր, որտեղ ծառայություն են իրականացնում Ոստիկանության գվարդիայի ծառայողները։

Արփինե Սարգսյանը հետևել է ծառայությանը, հետաքրքրվել ծառայողների կեցության պայմաններով և բարեխիղճ ծառայության համար շնորհակալություն է հայտնել անձնակազմին։