Սիսիանում մեկնարկել է «Կինո Որոտան»-ի հարակից նոր զբոսայգու կառուցումը. Սիսիանի համայնքապետարան
· Սիսիան
Մեկնարկել են Սիսիան քաղաքի «Կինո Որոտան»-ի հարակից զբոսայգու կառուցման աշխատանքները։ Այս պահին տարածքում իրականացվում են քանդման և շինարարական աշխատանքների համար անհրաժեշտ նախապատրաստական միջոցառումներ։
Ծրագրի շրջանակում տարածքն ամբողջությամբ կբարեկարգվի և նոր տեսք կստանա։ Կկառուցվեն հետիոտնային հարմարավետ ուղիներ, կտեղադրվեն նստարաններ ու ժամանակակից լուսավորության համակարգ, կստեղծվեն կանաչապատ և հանգստի գոտիներ։
Զբոսայգուն առանձնահատուկ գեղեցկություն ու գրավչություն կհաղորդի լուսային գերժամանակակից էֆեկտներով հագեցած երգող շատրվանը։