«Բուսաբուծության աջակցության 2026» ծրագիրը հաստատվել է. Տաթևի համայնքապետարան
Տաթևի համայնքապետարան հայտնում է, որ ՀՀ Կառավարությունը հաստատել է «Բուսաբուծության աջակցության 2026 թվականի ծրագիրը»։
Բուսաբուծության աջակցության 2026 թվականի ծրագրով նախատեսվում է փոխհատուցել մինչև 100 հա մակերեսով հացահատիկային (գարնանացան ցորեն, գարնանացան գարի, եգիպտացորեն, վարսակ, հաճար), հատիկաընդեղեն (ոլոռ, լոբի, ոսպ, սիսեռ) և բազմամյա խոտաբույսերի (առվույտ, կորնգան) մշակության մեկ հեկտարի հաշվով կատարվող հիմնական աշխատանքների (վարի, ցանքի, բերքահավաքի) և սերմի արժեքի համար նախատեսված ծախսերի 50 տոկոսը։
Փոխհատուցումը կտրամադրվի հետևյալ սահմանաչափերով՝
. գարնանացան հացահատիկային մշակաբույսերի մշակության յուրաքանչյուր 1 հեկտար մակերեսի հաշվով՝ 70 000 ՀՀ դրամ, իսկ եգիպտացորենի մշակության յուրաքանչյուր 1 հեկտար մակերեսի հաշվով՝ 85 000 ՀՀ դրամ
. հատիկաընդեղեն մշակաբույսերի մշակության յուրաքանչյուր 1 հեկտար մակերեսի հաշվով՝ 100 000 ՀՀ դրամ
. բազմամյա խոտաբույսերի (առվույտ, կորնգան) մշակության յուրաքանչյուր 1 հեկտար մակերեսի հաշվով՝ 110 000 ՀՀ դրամ։
Դիմումների համար կարող եք այցելել Տաթևի համայնքապետարան։