Բացահայտիր Սյունիքը. Կարճևանի չքնաղ ջրվեժը
Կարճևանի ջրվեժը Հայաստանի հարավային հատվածի ամենատպավորիչ բնական հրաշալիքներից մեկն է, որը գտնվում է Սյունիքի մարզում՝ Կարճևան գյուղի հարևանությամբ:
Այս չքնաղ վայրը հայտնի է ոչ միայն իր բնական գեղեցկությամբ, այլև տեղական ինքնատիպ անվանումով. համայնքի բնակիչները ջրվեժին հաճախ անվանում են պարզապես «Ծոր»:
Ջրվեժը գտնվում է ժայռոտ և նեղ կիրճում՝ շրջապատված բարձրադիր, տպավորիչ ժայռային պատերով, որոնց արանքից գահավիժում է ջրային հոսքը:
Այս յուրօրինակ աշխարհագրական կառուցվածքը ստեղծում է վայրի և անաղարտ բնության խորհրդավոր մթնոլորտ: Դեպի ջրվեժ տանող ճանապարհը հարմար է էկոտուրիզմի և քայլարշավների սիրահարների համար:
Այնտեղ կարելի է հասնել հեշտ ու թեթև քայլարշավով, որն անցնում է գեղատեսիլ լանդշաֆտներով և թույլ է տալիս լիարժեք վայելել Սյունիքի բնաշխարհը:
Այս վայրն իդեալական է նրանց համար, ովքեր ցանկանում են կտրվել քաղաքային աղմուկից, բացահայտել Հայաստանի քիչ հայտնի, բայց չափազանց գրավիչ անկյունները և անմոռանալի լուսանկարներ անել բնական ժայռապատ պատկերների ֆոնին:
Տեղակայումը՝ ՀՀ Սյունիքի մարզ, Կարճևան գյուղի մոտակայք
Կոորդինատները՝ 38.90564, 46.19502
Լուսանկարը `Armgeo. am-ի