Բացահայտվել են թմրանյութ պահելու, իրացնելու դեպքեր․ կան ձերբակալվածներ

Կապանի համայնքային ոստիկանները հուլիսի 3-ին օպերատիվ տեղեկություն էին ստացել, որ Տանձավեր գյուղի բնակիչը կանեփի թփեր է աճեցնում։

Ձեռնարկված միջոցառումների արդյունքում տղամարդը հայտնաբերվել և ներկայացվել է բաժին։
Բացատրական աշխատանքի շնորհիվ 41-ամյա տղամարդը հայտնել է, որ անասնագոմի հարակից տարածքում իր անձնական օգտագործման համար կանեփի մոտ 12 թուփ է աճեցրել։

Սյունիքի մարզային քննչական վարչությունում նախաձեռնված վարույթի շրջանակում, նույն օրը կատարված զննությամբ, նշված վայրից հայտնաբերվել են կանեփի թփերը։

Կատարվում է նախաքննություն։