Բացահայտիր Սյունիքը-Կարճևանի 13-րդ դարի գաղտնի ժայռախաչը
Հայաստանի հարուստ պատմամշակութային ժառանգության գանձարանում իր ուրույն տեղն ունի Սյունիքի մարզի Կարճևան գյուղի մոտակայքում գտնվող եզակի ժայռախաչը, որը թվագրվում է 1244 թվականով:
Այս արժեքավոր հուշարձանի մասին տեղեկատվությունը պաշտոնապես արձանագրվել և ներկայացվել է «Հուշարձանների պահպանության Սյունիքի մարզային ծառայության» կողմից՝ հուշարձանների պահապան Ն. Հայրապետյանի շնորհիվ:
Խաչերն ու համապատասխան արձանագրությունները փորագրված են բնական հսկայական ժայռաբեկորի խորշում, որն ունի յուրահատուկ կամարաձև կառուցվածք և բնական պաշտպանիչ շերտ:
Ժայռի մակերեսին հստակորեն նկատվում են մի քանի խաչապատկերներ և հնամենի հայերեն արձանագրություն, որոնք վկայում են միջնադարյան հայկական մշակույթի և քրիստոնեական արվեստի բարձր մակարդակի մասին:
Շրջակա միջավայրն աչքի է ընկնում լեռնային գեղեցիկ լանդշաֆտով, ժայռոտ տեղանքով և ցածրադիր թփուտներով:
Տեղակայումը՝ Սյունիքի մարզ, գյուղ Կարճևան, գյուղից մոտ 0.5 կմ հյուսիս, «Քնատափ» ձորակի աջ կողմում:
Կոորդինատները՝ 38.90562, 46.22013
Լուսանկարները `Հուշարձանների պահպանության Սյունիքի մարզային ծառայության