Բացահայտիր Սյունիքը - Մելիք Թանգու կամուրջը. Սյունյաց աշխարհի պատմական հրաշալիքը
Սյունիքի մարգարիտների շարքում իր ուրույն ու ծանրակշիռ տեղն ունի Որոտան գետի հանդարտ, բայց տպավորիչ հոսքի վրա վեր հառնող Մելիք Թանգու կամուրջը:
Այս կառույցը ոչ միայն ինժեներական հիանալի լուծում է, այլև իսկական պատմական վավերագիր, որը կապում է անցյալն ու ներկան:
Կամուրջը կառուցվել է 1855 թվականին Սյունիքի նշանավոր գործիչ Մելիք Թանգու կողմից: Այն գտնվում է բնական մի հրաշալի վայրում՝ Որոտանաբերդի վեհաշուք փլատակներից ներքև տարածվող կիրճում:
Տեղանքն ինքնին շնչում է պատմությամբ. այս նույն տարածքում գտնվող բերդը դեռևս 450 թվականին ազատագրվել է Վարդան Մամիկոնյանի կողմից, իսկ ավելի ուշ՝ 18-րդ դարում, այստեղ իր հաղթական էջերն է գրել հայոց զորավար Դավիթ Բեկը՝ ազատագրելով այն Մելիք Բաղրուց:
Այս միաթռիչք կամուրջը կառուցված է տեղական ամուր, մշակված քարից, ինչի շնորհիվ դիմակայել է ժամանակի փորձություններին և հասել մեզ գրեթե անթերի վիճակում:
Այն ներառված է Որոտանի պատմության և մշակույթի անշարժ հուշարձանների պետական ցանկում և ունի մշակութային բարձր արժեք:
Կամրջի կամարից բացվում է հեքիաթային տեսարան դեպի գետի զմրուխտե ջրերն ու կիրճի խրոխտ ժայռապատկերները, ինչը վայրը դարձնում է կատարյալ կանգառ զբոսաշրջիկների, քայլարշավների սիրահարների և լուսանկարիչների համար:
Տեղակայումը՝ Հայաստան, Սյունիքի մարզ, Սիսիան քաղաքից մոտ 20 կմ արևելք, Որոտանաբերդի հարևանությամբ:
Կոորդինատներ՝ 39°29′03″N 46°08′21″E
Լուսանկարը `Armgeo. am-ի