Շաղատում մեկնարկել է ներբնակավայրային ճանապարհների հիմնանորոգումը. Սիսիանի համայնքապետարան

Սիսիան համայնքի մի շարք բնակավայրերի ներբնակավայրային ճանապարհների բարելավման ուղղությամբ նախատեսված ծրագրերն արդեն վերածվում են իրականության։

Այս փուլում աշխատանքները մեկնարկել են Շաղատ բնակավայրում, որտեղ սուբվենցիոն ծրագրի շրջանակում հիմնանորոգվում են 1-ին, 8-րդ և 11-րդ փողոցները։

Աշխատանքների արդյունքում էապես կբարելավվեն ճանապարհների վիճակն ու երթևեկության պայմանները՝ ապահովելով բնակիչների առավել անվտանգ, հարմարավետ և անխոչընդոտ տեղաշարժը։

Նույն սուբվենցիոն ծրագրի տարբեր ենթաբաղադրիչների շրջանակում հիմնանորոգման աշխատանքներ կիրականացվեն նաև համայնքի այլ բնակավայրերում.

Բռնակոթում՝ Վ․ Թանգյանի, Ա․ Շահնազարյանի, Ա․ Գրիգորյանի և 12-րդ փողոցներում,

Շաքիում՝ դպրոցին հարող տարածքից դեպի Շաքիի ջրվեժի վերին հատված տանող ճանապարհահատվածում,

Սառնակունքում՝ 1-ին, 2-րդ և 5-րդ փողոցներում,

Սպանդարյանում՝ 3-րդ և 4-րդ փողոցներում։։